اشياء ترفع الضغط

[الناصح]

الأشياء التي ترفع الضغط كثيرة ...


ومنها مايلي


* أنك تشرب ببسي حار



* أنك تعطي أخوك سيارتك ... ويرجعها والتانكي فاااضي



* أنك تدخل المسنجر .. وما تلقى ألا اللي ماتبيهم



* أنك تـتـفاهم مع رجل امن سعودي



* أنك تناظر مباراة على الأي آر تي وأنواع الحماااس وفجأة ينقطع الاشتراك



* أنك تلعب كوره وأنت حافي .. وتشوت غطا البياره



* أنك تذاكر تذاكر تذاكر تذاكر .. وبعدين تكتشف أن اللي ذاكرته مهوب داخل معك في الاختبار



* أنك تعطي جوالك لواحد ويرجعه لك والرسايل محذوفه



* أنك تقوم الصبح وتلقى معجون الأسنان مخلص



* أنك تـَـشرق بالبيبسي






* عندك موعد بالمستشفى الحكومي وبعز القايلة وتمسك طابور ساعة او اكثرعند قسم المواعيد وزحمة واذا جاء دورك قالت الموظفة : اخوي موعدك منتهي قبل نصف ساعة روح جدد الموعد

* أنك تغرز بالبر وأنت معك جيب .. ويمر من جنبك ددسن يمشي بشويش ويناظرونك ويضحكون



* أنك تتروش .. وأذا خلصت ماتلقى المنشفه



* أنك تدخل البيت جوعااااان .. وتشوف القدور قدامك وتغرف وأذا جيت تاكل تلقى الرز بارد



* أنك تكتب موضوع طويييييييل ... وأذا جيت ترسله يطس .. مدري وين يروح



* أنك تكلم ويدق عليك واحد ويلقاك أنتظار ويقطع



* أنك تغص ولاتلقى أحد يطق ظهرك



* أنك تتفرج على اجتماع دول مجلس التعاون الخليجي




* أنك تشوف فـلم .. واحد جنبك يقولك القصه



* أنك تمسك خط وتلقى ذباب بسيارتك و تفتح الدريشه ولا يطلع



* أنك تدخل حمام ماله قفل



* انك تمسك طابور عند الصرافة بعز الحر واذا جاء دورك تلقاها عطلانة
واللي قبلك كلهم دلوخ ومالهم خلق يعلمون بعض انها عطلانة





* أنك تسوي فيها متابع مع الدكتور وتتوهق ويسألك سؤال وماتقدر تجاوب


*انك ماسمعت نغمة الرسالة بجوالك من زمان وتجيك رسالة وتفتحها متلهف وتلقاها(عزيزي العميل انت على وشك استهلاك حدك الائتماني)

* وانت متحمس لما تجيك رسالة ولما تفتحها تلقاها فاضية


*انك تشوف الكلب (اعزك الله )جورج بوش يبتسم

[الفايز]

:D الله يعافيك على هالمعلومات .. من جد ترفع الضغط...