قصيدة بمناسبة الحفل الختامي لدار أسماء بنت أبي بكر بالقرين..

[حسين بن هندي]

هذه القصيدة بمناسبة تشريف الأستاذه: منيرة بنت حجاب بن نحيت الحفل الختامي لدار أسماء بنت أبي بكر لتحفيظ القرآن بالقرين والجميع يقدر لها ماتقدمه من تبرعات وأعمال خيرية وجعل ما تقدمه في موازين حسناتها وبارك لها في مالها وأهلها.

بسم الكريم إلهنا عالي الشان= مضاعف الحسنة بعشره مِثَلْها
نثني عليه ونشكره دون نقصان= مسدي علينا نعمته في كملها
من بعد ذكره مرحبا عبر الالحان= ترحيب وافي نرفعه بِمْحَفَلْها
بمنيره بنت حجاب من قلب ولسان= ترحيبةٍٍ فيها بساعة حللها
أحلى من البارد على كبد عطشان= وأحلى من اللي من خلايا نحَلْها
بحضوركم نفرح وفي حفظ قرآن= بكم القرين مرحّبَه هي واهَلْها
شرف عظيم وحفلنا تو ما زان= بحضور بنت اللي تَحَمَّل ثقلْها
بنت الرجال اللي لهم بالوفاء شان= ثقل الحمول الكايده تحتمِلها
قطب الشمال حجاب مثله إذا بان= بن نحيت يحلها لا فتلها
من روس حرب ومن مقاديم عربان= عبر السنين اللي تقافت مهلها
ينعد لاعدوا طويلين الايمان= نفس أبو ناصر للمعالي جبلها
ومواقف أم سعود في كل ميدان= الله يسدد في خُطاها عَدَلْها
خُطى سديده في دلايل وبرهان= جهودها تشكر ويقطف سِبَلها
اللي سعت للخير في قدر الامكان= الله يحفظها تحقِّق أملها
والمسلمين اخوان بالخير وأعوان= وناسٍ سعت بالخير تِحمَد خصلها
اللي على نهج الرساله والايمان= لاغاثة الملهوف بقلوب ولها
واللي فعل للخير يجزى بالاحسان= وتضاعف الحسنات للي عملها
واخير قدوه في مواقف كحيلان= فعل أبو متعب ينضرب به مثلها
قايد لواء الإسلام في كل الاوطان= غيثٍ على شعبه وباقي دولها
حبيب شعبه عِزهم طير حوران= أبو اليتامى والأرامل كفلها
وغيثٍ وريفٍ للفقارى ويتمان= لأجل ضعيف الناس شيَّد فللها
أيضا ولا ننسى مواقيف سلطان= أفعال حاتم فاقها وانتحلها
حكامنا آل سعود للطيب عنوان= أعلام مثل المعتلي من جبلها
واحة حنان وللعرب فَََي واكنان= للشعب واللي بالإقامه نزلها
وصلوا على المبعوث في خير الاديان= محمد اللي سنته ما جهلْها