المساعد الشخصي الرقمي

مشاهدة النسخة كاملة : يامن يخبرني عن ثلاثة رجاجيل

العقيد
05-16-2008, 01:14 AM
السلام عليكم ورحمة الله وبركاته

مساكم الله بالخير جميعا

اللغز يا اخوان


يامن يخبرني عن ثلاثة رجاجيل *** متشابهـــين كلهــــم بالاســـــامي
واحد قوي بالمهمات حلحـــــــيل *** و واحد يجي بين اللحم والعظامي
و واحد يحبونه رجال مشاكيـــل *** دايم يقـــدم للرجـــــــال الحشامي


وسلامتكم

وننتظر حلولكم

العقيد
الوافي ابوصالح
05-20-2008, 12:50 AM
السلام عليكم
صح لسانك اخوي العقيد وش رايك بالشحم
1- شحم السيارات او المعدات الثقيله
2-الشحم الذي يتكون داخل جسم الكائن الحي
3- الشحم اللي يدسم شوارب الرجال المشاكيل مثلك وشرواك (مفطح الحيل)
العقيد
05-20-2008, 06:50 PM
يا هلا ومرحب بابو صالح

وشرواك الطيب يا خلفهم

لكن ما لك لوا الجواب غير صحيح

ننتظر الحل

شكرا يالوافي ابو صالح
الوافي ابوصالح
05-23-2008, 10:15 PM
السلام عليكم
اخوي العقيد عندي رمعه لعلها تصيب وهي
(المسمار)
1- الاول المسمار المعروف الصلب اوغيره
2- الثاني المسمارالذي تربط به العظام المكسوره
3- الثالث المسمارالذي يوضع مع القهوه(القرنفل)
تقبل احترامي وتقديريي
العقيد
05-23-2008, 10:17 PM
و عليكم السلام ورحمة الله وبركاته

هلا باخوي ابو صالح

وصح لسانك و صدقت المسمار

وشكرا لك