مع التحية لـ : محافظ خيبر

[حسين بن هندي]

قصيدة بمناسبة حفل أقامه محافظ خيبر الشيخ / غالب سعود المحمدي

سلام سنّه مردفن له مساء الخير =أجمل تحيه للرجال الوفيه
بسم غالب مرحبا بالمسافير= كل الحضور نعمهم بالتحيه
ترحيبٍ أحلى من حليب المصاغير=اللي رعن زملوق بارضٍ مريه
غالب يكرر مرحبا بالمسايير=من قلب قايلها ومن صدق نيه
ترحيبةٍ من قلب ماهي بتزوير=طبيعةٍ ماهي عليه أنكريه
راعي هلا في كل معنى وتعبير=راعي هلا ترحيبته حاتميه
في مجلسٍ فيه الدلال المباهير=والعود الازرق فيه والشاذليه
مشرّع الديوان ريف الخطاطير=مفتوح للمرار والآهليه
من كل ديره زايرينه جماهير=من طيب ذاته شرفوا مقدريه
أبو بدر ملفا الرجال المشاهير=الساس طيِّب والمبادي نقيه
يمناه تندى بالكرم وافر المير=الله يزيد اللي يمينه نديه
غالب سعود من الرجال المناعير=محمدي وعزوته سالميه
غالب زبون الوارده والمصادير=يسمو شرف بالعرف والواقعيه
الطيب يرقى له بعال الشناظير=يروم للعلياء بنفسٍ جريه
ساعة دعاني جيت مابه معاذير=رغم الظروف أقول بالأولويه
سميت بالرحمن وادلَجْت بالسير=للي دعاني جيت حب وحميه
من نجد جينا له محبه وتقدير=تقدير للغالين واجب عليه
فوق الجيوب مقربات المشاوير=الالف كيلو تاصله بضحويه
والمعذره إن كان بالقول تقصير=أبا السموحه يالوجيه الرضيه
وصلاة ربي عد وبل الشخاتير=على محمد سيد كل البريه