حسين بن هندي
04-30-2008, 10:15 PM
قصيدة بمناسبة حفل أقامه أبناء الشيخ: سالم بن مشرف تكريماً للدهاكلة أهل الجابرية
اللي زهمني له تنابيت ومجيب= أقف معه واشاركه باحتفاله
وارد بقافي صافيات المشاريب= ما دام دلوي فيه تارد حباله
أختار منهن يوم جني مناديب= نقوة جزال الشعر ما هو حثاله
يا مرحبا ترحيب بسم المعازيب= اعداد ما رش المطر من خياله
بسم المشرف مرحبا يالأصاحيب= كل يكرر مرحبا في خواله
ويرفع نبا الترحيب في شجرة الطيب=اللي قريب الدار واللي عناله
دهاكله أهل الوفاء والمواجيب = في كل بابٍ يدركون الجماله
دهاكله ومعربين المجاذيب= ما فيهم اللي شوفته قد حاله
ربع لابو ساجر حصان الاطاليب= راع التفاني كان كل الكلاله
للطيب والأمجاد يرقا مراقيب= وعند النشامى له وجاه ومقاله
في مجلس المشرف كرامه وتوجيب= ترحيبهم زايد وفاه وكماله
مجالس فيها الكرم والتراحيب= فيها المهيل جاهزٍ في دلاله
ساس الكرم والجود فيهم مواهيب= يِذكر إبّاب الطيب لاجا مجاله
أبو فهد مطر نزيه الاشانيب= ومحمد أبو نايف مقر الشكاله
واخوانهم من دون شكٍ ولا ريب= في طيبهم حازوا سمات الرجاله
الكل منهم غايته والمطاليب= ليلٍ حضرتوا فيه أغلى لياله
كرام النفوس مربحين الجلاليب= وقت اللوازم ما تغالا حلاله
طيبٍ من الأجداد ما هو بتركيب= واللي يروم الطيب لازم يناله
في درب سالم ماسكين المقاضيب= واللي مشاه الشيخ منهج عياله
أكيد درب الشيخ ما عنه تجنيب= حيث إن دربه بالوفاء يهتداله
الدين ساسه والمروّه مكاسيب= عساه بالجنه وبارد ظلاله
وصلاة ربي عد ما يطلع الشيب= على محمد خير خلقه وآله
اللي زهمني له تنابيت ومجيب= أقف معه واشاركه باحتفاله
وارد بقافي صافيات المشاريب= ما دام دلوي فيه تارد حباله
أختار منهن يوم جني مناديب= نقوة جزال الشعر ما هو حثاله
يا مرحبا ترحيب بسم المعازيب= اعداد ما رش المطر من خياله
بسم المشرف مرحبا يالأصاحيب= كل يكرر مرحبا في خواله
ويرفع نبا الترحيب في شجرة الطيب=اللي قريب الدار واللي عناله
دهاكله أهل الوفاء والمواجيب = في كل بابٍ يدركون الجماله
دهاكله ومعربين المجاذيب= ما فيهم اللي شوفته قد حاله
ربع لابو ساجر حصان الاطاليب= راع التفاني كان كل الكلاله
للطيب والأمجاد يرقا مراقيب= وعند النشامى له وجاه ومقاله
في مجلس المشرف كرامه وتوجيب= ترحيبهم زايد وفاه وكماله
مجالس فيها الكرم والتراحيب= فيها المهيل جاهزٍ في دلاله
ساس الكرم والجود فيهم مواهيب= يِذكر إبّاب الطيب لاجا مجاله
أبو فهد مطر نزيه الاشانيب= ومحمد أبو نايف مقر الشكاله
واخوانهم من دون شكٍ ولا ريب= في طيبهم حازوا سمات الرجاله
الكل منهم غايته والمطاليب= ليلٍ حضرتوا فيه أغلى لياله
كرام النفوس مربحين الجلاليب= وقت اللوازم ما تغالا حلاله
طيبٍ من الأجداد ما هو بتركيب= واللي يروم الطيب لازم يناله
في درب سالم ماسكين المقاضيب= واللي مشاه الشيخ منهج عياله
أكيد درب الشيخ ما عنه تجنيب= حيث إن دربه بالوفاء يهتداله
الدين ساسه والمروّه مكاسيب= عساه بالجنه وبارد ظلاله
وصلاة ربي عد ما يطلع الشيب= على محمد خير خلقه وآله