۩Ξقــًُـُلًــًت/\/\/\ الــــًٌٌُُودًٌُآعΞ۩ ؟؟جــًُاوبُـت دمـًـعــًُه العـًُيــُن

[فاتن]

.-:-.قــلــت الوادعـ .-:-.
قلت الوداع وجاوبت دمعة العين=تجرح بساتين الخدود النديه
واغضت وشفت بعينها الحزن حزنين=وصاحت على الفرقا انا موقوي
وجاوبتها أرجوك تكفين تكفين=والله دمعك يشعل النار فيه
وقالت تعاهدني عهاد المحبين=الله يخون اللي يخون بخويه
قلت أبشري واللي خلق لاتظنين=حرام ماغيرك عشقت ادميه
وقصت شعرها وقلت أنا وش تسوين=قالت ابي من غرتي لك هديه
ونادتني الغربة على الهم والبين=وقمت احست الايام روحه وجيه
وفي كل ليلة ترتسم بين رمشين=خيالها بين الرموش الشقيه
غربة سنة في ذمتي غربةسنين=متى على الله يلنقي الحي حيه.
خلاص هانت مابقى غير يومين=خلاص أقفت غربتي الجرهديه.
ورجعت شوقي في خفوقي براكين=ورجعت أنا كلي لها جاذبيه
وسألت ماردو وأنا أصيح هي وين=وكل نثر من داخل العين ميه
وفي معمعه حزني تلقيت رمحين=قالوا توفت غافلتها المنيه
وفي غرغرتها ماذكرت غير حرفين=تشهدت بسمك شفاه البنيه
وتزاحمت في داخلي ألف سكين=والحزن يطويني ثمانين طيه
صدمه وجابتني على الارض نصفين=وش لون راحت دون ذنب وخطيه
تكفون دلوني على القبر هالحين=ماعااد فيني للصبر مقدريه
ووقفت أطالع قبرها بين نصبين=وجلست اضم أغلى النصايب عليه
وأصيح وش بك يا غلا ماتريدين=أشتقت همس اشفاهك النرجسيه
وش فيك جيت من السفر ماتهلين=ماهي بلك عاده ولا أنتي رديه.
وحاولت في لحضة جنون اجرح الدين=وأزيح تربة قبرها في يديه
وبالغصب شالوني حشى تقول مسكين=واصرخ بهم والله... ...والله حيه
أقفت وتاهت بي جميع العناوين=والحزن يلعب داخلي سامريه
ورجعت لدروب الشقا قبل عامين=مدري مين اللي صار فينا ضحيه

منقــــــــــــول

[صافي نوايا]

الاخت فاتن عندما قرأت القصيده تذكرت ابيات تحكي نفس معاناة قائل القصيده


الورد يذبل من سموم الهبايب= والقلب جرحه دمع توديع الاحباب

نخلق حبايب ونتفارق حبايب=وننسى بعضنا باللقاء مثل الاغراب

لو حس شوق المنتظر كل غايب=محدٍ تغرب عن حبيبه ولا غاب

نعم انه الوداع الذي هو نهاية كل شيء فهناك وداع الى لقاء قريب وهناك وداع لا لقاء بعده ولكن وداع العاشقين يختلف عن وداع غيرهم فسواء كانت مدته قصيره اوطويله فهي في اعينهم سواء فيعتبرونه الفراق بعينه وهذه احوال العاشقين حب واشتياق وعتاب وفراق وربما لقاء مره اخرى

اخت فاتن اشكرك على المشاركه الجميله والتي تؤكد تميزك في اختيار مشاركاتك والى الامام