حسين بن هندي
08-11-2007, 10:06 PM
سلام نبدى فيه قافٍ كتبناه= للشيخ أبو رباح واف الخصايل
الشيخ ابن مطلق رفيعه مزاياه= من روس حرب اللي تشيل الثقايل
في مركزٍلّه والبعايث مسمّاه= بحد القصيم وبآخر احدود حايل
عبد الكريم القرم ياحل طرياه= كلٍ ينعّم له عريب السلايل
شيخٍ فعوله طيّبه لا عدمناه= يسمو شرف طرياه بين القبايل
المدح لايق له وكفوه ويزهاه= شيخٍ ولد شيخٍ فعوله جزايل
نفسه عزيزه دوم يضحك محياه= راعي هلا من مكرمين السبايل
له مجلسٍ فيه المسايير تنصاه= مدهال للمرار ليل وقوايل
على الكرم والجود ساسه ومبناه= تندا ركونه بالسنين الهزايل
فيه الكرم مستوطنٍ في زواياه= مجدٍ تجدد مع طريق الأوايل
البن جاهز بالدلال المراكاه= فنجالهن لاسيق يشف الغلايل
به زعفران وفاق بنه على ماه= والهيل هو عطر الدلال الاصايل
والعود الازرق حامي الجمر يصلاه= يختار من غاليه خلى البدايل
عبد الكريم الطيب ساسه ومجناه= المطلق اللي يكسبون النفايل
رباح ذكره مع هل الطيب تلقاه= شيخ إباب الطيب جاله فعايل
له رفةٍ ماهي عن الضيف متقاه= تندى يمينه بالسنين القلايل
واهل الشفاعه كان عدّو هل الجاه= منصى لمن ضاقت عليه الوسايل
اخوان بنا توصل العلم لاقصاه= جمال التخوت مطوعة كل عايل
نفخر بطاريهم وحق المباهاه= إعزاز الانفس مقحمين الدبايل
مبشرين الحوار بامه بمفلاه= في يوم فيه الناس صايل وجايل
تنزل بقفرٍٍ الحنازيب ترعاه= وتضرب ديار الخوف ولاهي تسايل
وتذبح سوانيها كرامه لمن جاه= كرامةٍ للضيف تذبح جلايل
هذا الصحيح اللي شهوده مزكاه= علمٍ موثق في جميع الدلايل
وختامها مني تحيات مهداه= للشيخ ابن مطلق رفيع النزايل
وصلاة ربي عد حرفٍٍ قريناه= على شفيع الخلق يوم الهوايل
حسين عبيد الله
الشيخ ابن مطلق رفيعه مزاياه= من روس حرب اللي تشيل الثقايل
في مركزٍلّه والبعايث مسمّاه= بحد القصيم وبآخر احدود حايل
عبد الكريم القرم ياحل طرياه= كلٍ ينعّم له عريب السلايل
شيخٍ فعوله طيّبه لا عدمناه= يسمو شرف طرياه بين القبايل
المدح لايق له وكفوه ويزهاه= شيخٍ ولد شيخٍ فعوله جزايل
نفسه عزيزه دوم يضحك محياه= راعي هلا من مكرمين السبايل
له مجلسٍ فيه المسايير تنصاه= مدهال للمرار ليل وقوايل
على الكرم والجود ساسه ومبناه= تندا ركونه بالسنين الهزايل
فيه الكرم مستوطنٍ في زواياه= مجدٍ تجدد مع طريق الأوايل
البن جاهز بالدلال المراكاه= فنجالهن لاسيق يشف الغلايل
به زعفران وفاق بنه على ماه= والهيل هو عطر الدلال الاصايل
والعود الازرق حامي الجمر يصلاه= يختار من غاليه خلى البدايل
عبد الكريم الطيب ساسه ومجناه= المطلق اللي يكسبون النفايل
رباح ذكره مع هل الطيب تلقاه= شيخ إباب الطيب جاله فعايل
له رفةٍ ماهي عن الضيف متقاه= تندى يمينه بالسنين القلايل
واهل الشفاعه كان عدّو هل الجاه= منصى لمن ضاقت عليه الوسايل
اخوان بنا توصل العلم لاقصاه= جمال التخوت مطوعة كل عايل
نفخر بطاريهم وحق المباهاه= إعزاز الانفس مقحمين الدبايل
مبشرين الحوار بامه بمفلاه= في يوم فيه الناس صايل وجايل
تنزل بقفرٍٍ الحنازيب ترعاه= وتضرب ديار الخوف ولاهي تسايل
وتذبح سوانيها كرامه لمن جاه= كرامةٍ للضيف تذبح جلايل
هذا الصحيح اللي شهوده مزكاه= علمٍ موثق في جميع الدلايل
وختامها مني تحيات مهداه= للشيخ ابن مطلق رفيع النزايل
وصلاة ربي عد حرفٍٍ قريناه= على شفيع الخلق يوم الهوايل
حسين عبيد الله